Rəssamlarımız

Bütünay Haqverdiyev

Rəssam və Heykəltəraş

1989 ildə Bakı şəhərində anadan olmuşdur. Bakıda doğulan sənətkar, Əzim Əzimzadə adına İncəsənət kollecinin rəssamlıq fakultəsində oxuduqdan sonra, təhsilini Moskvada yerləşən Britaniya İncəsənət və Dizayn Ali Məktəbində davam etdirir. Hələ yeniyetmə çağlarında Bütünay təcrübəli rəssam idi. O, 2003-2008-ci illərdə rəssamlar qrupu ilə birgə Bakıda yerləşən pravoslav kilsəsinin freskalarının çəkilm

Konseptual heykəltəraş və rəssam Bütünay Haqverdiyevin daim təkmilləşən kreativ təcrübəsi müxtəlif incəsənət sahələrini və janrları əhatə edir.

əsi və restavrasiyası ilə məşğul olub. Onun ilk fərdi sərgisi 2010-cu ildə Bakıdakı Müasir İncəsənət Mərkəzində keçirilib və o zamandan bəri Bütünay Azərbaycanda və xaricdə, o cümlədən Rusiya, Fransa və İtaliyada baş tutan mühüm qrup sərgilərinə qatılıb. 2013-cü ildə sənətkarımızın əl işi İtaliyada keçirilən 55-ci Venesiya bienalı çərçivəsində Azərbaycan pavilyonunda yer alır, 2015-ci ildə isə onun taxtadan hazırlanan Azərbaycan xalça motivləri Fransada, Kann Festival Sarayında keçirilən “İncəsənətdə Azərbaycan xalçaları” sərgisində nümayiş etdirilir. Daha sonra Bütünayın bu əl işi həmçinin Bakıdakı Xalça Muzeyində də yer alır. 2014-cü ildə Bütünay Haqverdiyev İçərişəhərdə yerləşən “Q qalereyası”nda “Kəsişmə” adlı fərdi sərgisini həyata keçirir və qrup sərgilərinə qatılmağa davam edir. 2016-cı ildə o, bir ay müddətində Norveçin Şpitsbergen adasındakı qalereyanın rezidenti olur. O vaxtdan bəri bir sıra layihələr, o cümlədən rəqəmsal incəsənət və skulptur instalyasiyası üzərində işləyib. Təbiətdən ilhamlanan Bütünayın son əl işləri akvarel boyaları ilə zəngindir və daha geniş skulptural layihələri araşdırır. Onun intim akvarel seriyası bitki və canlıların hissləri ilə bağlı dərin marağı və araşdırmasının nəticəsidir; öz əsərlərində rəssam ətraf mühitə başqa prizmadan baxmaq yollarını araşdırır. Onun yaradcılığı bizi təbiətə qarşı münasibətimizi yenidən gözdən keçirməyə və insanların da onun bir hissəsi olduğunu diqqətə çatdırmağa, ətraf mühit barədə təsəvvürümüzü genişləndirməyə çağırır. Onun skulpturları da canlıların görüntülərini, formalarını təkrarlayır və tənzimləyir – rəssam ağacdan heyvanların və bal pətəklərinə bənzər şeylərin mürəkkəb 3D təsvirini düzəldir. Daha abstrakt əl işlərində isə, Bütünayın işləri təbii formaları və görünüşləri təqlid edən üçölçülü tapmacalara bənzəyir. Yeni layihələr hazırladıqca onun təcrübəsi dəyişməyə davam edir. Texnologiyanın ətraf mühitlə təmas etdiyini ifadə edən rəqəmsal portretlər və mənzərələr yaratmaq üçün Bütünay Haqverdiyev getdikcə daha çox 3D modelləşdirmə proqramları ilə işləyir. Bu sahədə o, öz təcrübəsini yeni estetik və konseptual səviyyəyə qaldırmaqla, bəşəriyyətin böyümək və dəyişmək istəyinin ətrafımızda olan bütün canlılar üçün nə nəticə verdiyini araşdırır. 2004-2008 Ə.Əzimzadə adına Bakı İncəsənət Məktəbinin bitirib. 2008 ildən Azərbaycan Rəssamlar İttifaqının üzvüdür. 2011-2012 – İncəsənət və dizayn üzrə Britaniyanın Ali məktəbi Sərgilər: 2008 ci ildə - Yaradan, Bakı, Azərbaycan 2008 ci ildə - “Uçuş”, Bakı, Azərbaycan 2010 cu ildə - fərdi sərgi “Contemporary Art” qalereyası, Bakı, Azərbaycan 2008-2010 ildə - “Payız” gənclər sərgisi, Bakı, Azərbaycan 2012 – Avro Birliyi səfirin iqamətgahında sərgi, Bakı, Azərbaycan 2012 – Norveç səfirin iqamətgahında sərgi , Moskva, Rusiya 2013 - Heydər Əliyev Fondunun təşəbbüsü, “Təmiz Şəhər” ASC-nin təşkilatçılığı, IDEA İctimai Birliyi, “İçərişəhər” Dövlət Tarix-Memarlıq Qoruğu İdarəsi və “QGallery” incəsənət qalereyasının dəstəyi ilə II Beynəlxalq “Tullantıdan sənətə” sərgisi, “Qala” Dövlət Tarix-Etnoqrafiya Qoruğu, Bakı, Azərbaycan 2016 –“Aserbaidschan trifft die Malediven in Berlin”, GBB, Berlin, Almaniya 2017 - Heydər Əliyev Fondunun təşkilatçılığı, “İçərişəhər” Dövlət Tarix-Memarlıq Qoruğu İdarəsi, “QGallery” incəsənət qalereyasının dəstəyi ilə “Daşın nəğməsi” II Beynəlxalq heykəltəraşlıq simpoziumu, “Qala” Dövlət Tarix-Etnoqrafiya Qoruğu, Bakı, Azərbaycan Bütünay Haqverdiyev ölkə daxili və xaricdə sərgilərdə fəal iştirak edir. Rəssamın əsərləri bir çox qalereyalarda və şəxsi kolleksiyalarda saxlanılır.

Bütünay Haqverdiyev - Rəsmlər

Bu seriyada o, incə antropomorfik çiçəklər və detallaşdırılmış bionik heyvanlar təsvir etməklə onların bəşəriyyətlə təmasını ifadə etməyə çalışır.